ଚେନ୍ ଲୁଟେରାଙ୍କୁ ଧରିବାକୁ ଡିସିପିଙ୍କ ମାଷ୍ଟରପ୍ଲାନ୍; ସାଦା ପୋଷାକରେ ମୁତୟନ ହେବେ ପୁଲିସ

ଭୁବନେଶ୍ୱର: ଦଶହରା ପୂର୍ବରୁ ଚେନ୍ ଲୁଟେରାଙ୍କୁ ଧରିବାକୁ ଭୁବନେଶ୍ୱର ପୁଲିସର ବଡ଼ ପ୍ଲାନ୍। ପାର୍ବଣ ସମୟରେ ଭିଡ଼ର ସୁଯୋଗ ନେଇ ଚେନ୍ ଲୁଟ୍ କରୁଥିବା ଅପରାଧୀଙ୍କ ଉପରେ ରହିବ ପୁଲିସର କଡ଼ା ନଜର। ବିଶେଷକରି ଭିଡ଼ ଅଞ୍ଚଳ ଓ ପୂଜା ମଣ୍ଡପ ନିକଟରେ ସାଦା ପୋଷାକରେ ପୁଲିସ ନଜର ରଖିବ।

ଚେନ୍ ଲୁଟ୍ ରୋକିବା ନେଇ ଭୁବନେଶ୍ୱର ଡିସିପି ଡଃ ସର୍ବଣା ବିବେକ୍ ଏମ୍‌ ଏସିପି ଓ ଆଇଆଇସିମାନଙ୍କ ସହ ଆଲୋଚନା କରିଛନ୍ତି। ପାର୍ବଣ ପୂର୍ବରୁ ଚେନ୍ ଲୁଟ୍ ମାମଲାରେ ସମ୍ପୃକ୍ତ ଅପରାଧୀଙ୍କୁ ଚିହ୍ନଟ କରିବା ସହ ସେମାନଙ୍କ ଗତିବିଧି ଉପରେ ନଜର ରଖିବାକୁ ଡିସିପି ନିର୍ଦ୍ଦେଶ ଦେଇଛନ୍ତି।