Odisha
ବିଧାନସଭାରେ ବନ୍ୟାର ବଡ଼ ଚିତ୍ର, ୨୬ ଜିଲ୍ଲାର ୩୭ ଲକ୍ଷରୁ ଅଧିକ ପ୍ରଭାବିତ
ସରକାର ଦେଲେ ବଡ଼ ତଥ୍ୟ
ଭୁବନେଶ୍ୱର: ଚଳିତ ବର୍ଷର ବନ୍ୟା ଓ ଲଗାଣ ବର୍ଷା ଓଡ଼ିଶାରେ ବ୍ୟାପକ କ୍ଷୟକ୍ଷତି ଘଟାଇଛି। ବିଧାନସଭାରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ଦେଇଥିବା ତଥ୍ୟ ଅନୁସାରେ, ରାଜ୍ୟର ୨୬ଟି ଜିଲ୍ଲାର ୩୭,୪୩,୯୪୩ ଜଣ ଲୋକ ବନ୍ୟା ଓ ପ୍ରବଳ ବର୍ଷାରେ ପ୍ରଭାବିତ ହୋଇଛନ୍ତି।
ବିଧାୟକ ଟଙ୍କଧର ତ୍ରିପାଠୀଙ୍କ ପ୍ରଶ୍ନର ଉତ୍ତରରେ ମନ୍ତ୍ରୀ କହିଛନ୍ତି ଯେ, ବନ୍ୟା ଓ ଅତ୍ୟଧିକ ବର୍ଷା ଯୋଗୁଁ ୭ ଜଣଙ୍କ ମୃତ୍ୟୁ ଘଟିଥିବା ବେଳେ ୯୩ଟି ପଶୁଧନ ମଧ୍ୟ ନଷ୍ଟ ହୋଇଛି। ଏହାଛଡ଼ା ରାଜ୍ୟରେ ୨,୧୨,୫୩୩ ହେକ୍ଟର ଚାଷଜମିର ଫସଲ କ୍ଷତିଗ୍ରସ୍ତ ହୋଇଥିବା ବେଳେ ୧୮,୦୬୭ଟି ଘର ମଧ୍ୟ କ୍ଷତିର ସମ୍ମୁଖୀନ ହୋଇଛି।
ବନ୍ୟା ପ୍ରଭାବିତଙ୍କୁ କ୍ଷତିପୂରଣ ଓ ରିଲିଫ୍ ପ୍ରଦାନ ପାଇଁ SDRF ନିୟମ ଅନୁଯାୟୀ ସରକାର ଜିଲ୍ଲାଗୁଡ଼ିକୁ ୨୩୪ କୋଟି ୮୪ ଲକ୍ଷ ୮୬ ହଜାର ଟଙ୍କା ମୁକ୍ତ କରିଛନ୍ତି।
ଏହି ସହାୟତା ରାଶିରୁ ୩୩.୬୩ କୋଟି ଟଙ୍କା ଘର ନିର୍ମାଣ ସହାୟତା ପାଇଁ ଏବଂ ୧୫୧.୯୬ କୋଟି ଟଙ୍କା ଫସଲ କ୍ଷତି ସହାୟତା ବାବଦରେ ବଣ୍ଟନ କରାଯାଇଛି। ବାକି ଅର୍ଥ ବ୍ୟକ୍ତିଗତ ସମ୍ପତ୍ତି କ୍ଷତି ସହ ଅନ୍ୟାନ୍ୟ SDRF ମାନଦଣ୍ଡ ଅନୁଯାୟୀ ବ୍ୟବହାର କରାଯାଉଛି। ଚଳିତ ବର୍ଷର ବନ୍ୟା ଓ ବର୍ଷା ରାଜ୍ୟର ଜନଜୀବନ, କୃଷି ଓ ବାସଗୃହ ଉପରେ ଗଭୀର ପ୍ରଭାବ ପକାଇଥିବା ଏହି ସରକାରୀ ତଥ୍ୟରୁ ସ୍ପଷ୍ଟ ହୋଇଛି।
Tags: #OdishaFlood #FloodUpdate
25 Sept, 12:19 pm
OSSC publishes combined graduate recruitmentOSSC publishes combined graduate recruitment
23 Sept, 01:36 pm
A yellow-to-orange alert is in force as a low-pressure area over the Bay of Bengal intensifies.
19 Aug, 10:50 am
Officials said the plan focuses on pedestrian flow, waste pickup and heat-health desks.
19 Aug, 07:50 am
